Hugrenningar hálfvita

Ég ákæri forseta Íslands fyrir að ganga peningamönnum á hönd. Ég ákæri Alþingi fyrir getuleysi. Ég ákæri þingmenn fyrir dugleysi. Ég ákæri stjórnmálaflokkana fyrir að hugsa ekki um þjóðina. Ég ákæri  formenn flokkana fyrir að taka flokkinn fram yfir þjóðina. Ég ákæri Samfylkinguna fyrir að ætla að selja okkur ESB. Ég ákæri Vinstri Græna fyrir að selja málstað sinn. Ég ákæri Sjálfstæðisflokkinn fyrir hvernig er komið fyrir þjóðini. Ég ákæri Framsóknarflokkinn fyrir að setja bankana í hendur glæpamanna. Ég ákæri ríkisstjórnina fyrir að svíkja þjóðina. Ég ákæri stjórnarandstöðuna fyrir að hugsa eingöngu um að fella ríkisstjórnina. Ég ákæri Davíð, Geir, Halldór, Valgerði, Ingibjörgu, Össur, Steingrím og marga fleiri fyrir algjöra vanhæfni til að stjórna landinu. Ég ákæri Seðlabankann fyrir að grípa ekki í taumana. Ég ákæri Fjármálaeftirlitið fyrir að sinna ekki hlutverki sínu. Ég ákæri Sigurjón, Halldór, Kjartan og Björgólfana o.fl. fyrir Icesave og þjófnað. Ég ákæri Sigurð og Hreiðar o.fl. fyrir þjófnað. Ég ákæri Lárus og Bjarna o.fl. fyrir þjófnað. Ég ákæri núverandi bankastjórnir og skilanefndir fyrir "frændhyggju" og óheiðarleika. Ég ákæri Björgólf Thor,Ólaf, Jón Ásgeir, Hannes, Pálma, Lýð, Ágúst, Karl, Steingrím og alla aðra svokallaðra útrásarvíkinga fyrir fjársvik og þjófnað. Ég ákæri kúludrottningar og kónga fyrir að láta skuldir sínar falla á þjóðina. Ég ákæri alla þá þingmenn sem samþykkja Icesave-samninginn óbreyttan fyrir landráð. Ég ákæri einnig alla þá einstaklinga, hvort sem það eru stjórnmálamenn, embættismenn eða aðrir ótýndir glæpamenn sem hafa komið þjóðini í þetta skuldafen. Nú veit ég ekki hver refsing þeirra verður. Sagan mun leiða það í ljós, en hitt veit ég að skömm þeirra er mikil og ævarandi.