a la japan

Er það ekki einkennilegt að flest ef ekki öll lönd í kringum okkur hafa stefnt bönkunum? En hérna á að taka íslensku leiðina "þegja allt í hel". Kannski hafði bandaríski þingmaðurinn rétt fyrir sér þegar hann stakk upp á "harakiri" sem aflausn fyrir forherta banka(glæpa)menn.

Stefnt í tveimur löndum

Kindergarden

Það að kalla Alþingi  háttvirt og alþingismenn háttvirta er einn best geymdi brandari íslandssögunar. Það að nefna Alþingi og hröð og vönduð vinnubrögð í sömu setninguni dregur fram bros á mínu annars fúla fési. Alþingismenn og konur hunskist nú á brott farið í sumarfrí, vetrarfrí, veikindafrí eða bara eitthvað frí.

Steinunn Valdís: Vill að þingið starfi í sumar

Vandræðalegt yfirklór

Allir sem þekkja til á Hellisheiðinni vita að eiturmengun er að drepa allt jurtalíf og allt tal um annað er tóm lygi. Það er eins og þetta fólk sem skrifar skýrsluna hafi aldrei komið á staðinn. Síðan voga þau sér að segja að ekki sé unnt að sanna það 100% að skemmdirnar séu af völdum mengunar. Þarna hefur fagmennska enn einu sinni lútið í lægra haldi fyrir græðgi.

Vísbendingar um skemmdir af völdum brennisteinsvetnis

Árni Páll eða Dagur?

Nú hafa bæði Jóhanna og Össur gefið út að þau vilji ekki formannsstólinn. Þá sé ég bara 2 kosti í stöðuni og báða nokkuð góða. Árni Páll og Dagur, bjóðið nú þjóðini upp á skemmtilegan formannsslag, eitthvað sem við eigum ekki að venjast. Gangi ykkur vel.

Ingibjörg Sólrún hættir

KOM, SÁ OG SIGRAÐI.

 Hún er fundvísasti Íslendingur seinni tíma. Hún finnur peninga þar sem enga peninga er að finna. Það er svona fólk sem þarf að stjórna landinu, fólk sem skilur hvað er mikilvægt og hvað ekki. Því þegar allt verður farið fjandans til þá getur þjóðin staðið á Austurbakkanum í norðangarra og notið listarinnar og gleymt því smástund að allt annað er farið. Því legg ég það til að Katrín Jakobsdóttir verði næsti fjármálaráðherra. ÁFRAM KATA

Leggur til breytingar á listamannalaunum

15.000.000.000 milljónir

Nú er bleik brugðið, ég er farinn að taka undir orð Péturs H. Blöndal og Jóns Magnússonar. Þetta milljarðasukk verður að stöðva strax. Að láta óreyndan stelpukjána taka +15 milljarða ákvörðun er ótækt, sérstaklega á tímum mikils niðurskurðar. Hvar verða þessir peningar teknir? Væntanlega úr heilbrigðis og menntakerfi. Og ekkert fer í útboð, bara upp í hendurnar á ÍAV þrátt fyrir öll stóru orðin um gegnsæi og heiðarleika.

Glundroði í málum tónlistarhúss

6 ástæður

1. Íslendingar eru þegar farnir á hausinn vegna spillingar sem sem eru að éta innviði þjóðfélagsins með vitund og vilja yfirvalda.

2 .Samspil stjórnmála og staðsetningar er ómerkilegt fyrir aðra en stjórnmálamennina sem geta vegna staðsetningar framið myrkraverk sín í friði.

3. Íslendingar eiga auðlindir, en í raun eru það þýskir og breskir bankar að ógleymdum Alþjóða gjaldeyrissjóðnum sem eiga allt hér.

4. Ísland er friðsælt land á yfirborðinu, en undir kraumar eldur sem brýst út fyrr en seinna.

5. Fáir kúgaðir reiðir innflytjendur, en í raun er öll þjóðin kúguð og reið.

6. Íslendingar eru fallegir, en ef við tölum um innri fegurð þá er ég nú hræddur um að einhverjir broskallar mundu nú fölna ansi mikið.

 

 

 

 

 

6 ástæður til að flytja til Íslands

Þótt fyrr hefði verið

Sá ótti læðist engu síður að manni að þetta frumvarp verði tafið eða jafnvel stöðvað af "hagsmunaaðilum". Það verður spennandi að sjá hvort það verður lagt fyrir þingið og hvernig atkvæði falla

Bankaleynd verður afnumin með öllu

Forsetabréf Gylfa

Er ekki Gráskeggur farinn að hreykja sér heldur hátt þegar hann er farinn að gefa út forsetabréf. Misskilur maðurinn hlutverk sitt svona illilega eða er hann kominn í bullandi flokkapólitík. En það má til sanns vegar færa að hátt hreykir heimskur sér.

 

 

 

 

 

ASÍ: Ný ríkisstjórn fái umboð til ESB viðræðna

skúrkaskjól

Er ekki þarna lausn á efnahagsvandanum? Bjóðum félaga omar hæli hér(gegn hæfilegri greiðslu að sjálfsögðu) og sýnum umheiminum að við mismunum ekki fólki hvers eðlis sem glæpurinn kann að vera. Einkaþotufélagið gæti skotist eftir honum í boði Fjárglæframannafélags Íslands. Þjóðhöfðingjar landsins gætu síðan haldið honum endalausar veislur og kennt honum hvernig á að axla ábyrgð á gjörðum sínum. Í framhaldinu væri síðan hægt að skjóta skúrkaskjóli yfir fleiri eðalskúrka og sanna fyrir heiminum að okkur er alvara með Nýja Íslandi

Mótmæla handtökutilskipun